0
0
2024 ಕ್ಕೆ ವಿದಾಯ ಹೇಳಿ, 2025 ನ್ನು ಸ್ವಾಗತಿಸಲು ಇಡೀ ವಿಶ್ವವೇ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಹೌದು, ಹೊಸ ವರ್ಷ ಹತ್ತಿರ ಬರುತ್ತಿದ್ದಂತೆ ಬದುಕಿನಲ್ಲಿ ಹೊಸ ಭರವಸೆಗಳನ್ನು ಇಟ್ಟುಕೊಳ್ಳುವುದು ಸಹಜ. ಅದರಲ್ಲಿಯೂ ಕೆಲವರು ಹೊಸ ವರ್ಷಕ್ಕೆ ಹೊಸ ಸಂಕಲ್ಪಗಳನ್ನು ಮಾಡುತ್ತಾರೆ. ತಮ್ಮ ದಿನವನ್ನು ಸ್ಮರಣೀಯವಾಗಿಸಲು ಕುಟುಂಬಸ್ಥರೊಂದಿಗೆ ಪ್ರವಾಸಕ್ಕೆ ಹೋದರೆ ಇನ್ನು ಕೆಲವರು ಮನೆಯಲ್ಲೇ ಹೊಸ ವರ್ಷವನ್ನು ಆಚರಿಸುತ್ತಾರೆ. ಹೊಸ ವರ್ಷಕ್ಕೆ ನೀವು ನಿಮ್ಮ ಪ್ರೀತಿಪಾತ್ರರಿಗೆ ವಿಭಿನ್ನವಾಗಿ ಶುಭಾಶಯ ಕೋರಲು ಬಯಸಿದರೆ ಇಲ್ಲಿದೆ ಸಂದೇಶಗಳು.
ದಿನಗಳು ಕಳೆದದ್ದೇ ತಿಳಿಯುತ್ತಿಲ್ಲ. ಮೊನ್ನೆ ಮೊನ್ನೆಯಷ್ಟೇ 2024ನ್ನು ಸ್ವಾಗತಿಸಿದ ನೆನಪು. ಆದರೆ ಕಣ್ಣು ಮುಚ್ಚಿ ಬಿಡುವುದರೊಳಗೆ 2024 ಕ್ಕೆ ವಿದಾಯ ಹೇಳುವ ಸಮಯ ಬಂದೇ ಬಿಟ್ಟಿದೆ. 2025 ಕ್ಕೆ ಇನ್ನೇನು ಕೆಲವು ದಿನಗಳಷ್ಟೇ ಬಾಕಿಯಿದೆ. ಈ ಹೊಸ ವರ್ಷ ಎಂದರೆ ಏನೋ ಹೊಸ ನಿರೀಕ್ಷೆ ಮತ್ತು ಭರವಸೆವನ್ನು ಇಟ್ಟುಕೊಳ್ಳುತ್ತೇವೆ. 2024 ಹೇಗೋ ಮುಗಿಯಿತು. ಮುಂದಿನ ವರ್ಷವಾದರೂ ನಮ್ಮ ಬದುಕಿನಲ್ಲಿ ಎಲ್ಲವೂ ಚೆನ್ನಾಗಿರಲಿ ಎಂದು ಬಯಸುತ್ತೇವೆ. ಹೊಸ ವರ್ಷದಂದು ನಿಮ್ಮ ಸ್ನೇಹಿತರು, ಬಂಧು ಬಳಗದವರಿಗೆ ಈ ರೀತಿ ಸಂದೇಶ ಕಳುಹಿಸಿ ಶುಭಾಶಯ ಕೋರಬಹುದು.
ಬರೀ ಕನಸುಗಳನ್ನು ಕಾಣುತ್ತಾ ಕುಂತರೆ ಕನಸುಗಳು ನನಸಾಗಲ್ಲ. ಕನಸು ನನಸಾಗಬೇಕೆಂದರೆ ಕೆಲಸ ಮಾಡಬೇಕಾಗುತ್ತದೆ. ಹೊಸ ವರ್ಷಕ್ಕೆ ಹೊಸ ಹರುಷದೊಂದಿಗೆ ಕೆಲಸವನ್ನು ಆರಂಭಿಸಿ. ನಿಮ್ಮ ಕನಸುಗಳನ್ನೆಲ್ಲ ನನಸಾಗಿಸಿಕೊಳ್ಳಿ ಹ್ಯಾಪಿ ನ್ಯೂ ಇಯರ್..
ಹೊಸ ವರ್ಷ ಬಂದಿದೆ, ಹಳೆಯದನ್ನೆಲ್ಲ ಮರೆತು ಹೊಸ ಹೆಜ್ಜೆ ಇಡು, ಹೊಸ ಕನಸುಗಳನ್ನು ಕಾಣು, ಹೊಸ ಕೆಲಸಗಳನ್ನು ಮಾಡು. ನಿನಗೂ ನಿನ್ನ ಕುಟುಂಬಕ್ಕೂ ಹೊಸ ವರ್ಷದ ಹಾರ್ಥಿಕ ಶುಭಾಶಯಗಳು.
ಹೊಸ ವರ್ಷ ಹೊಸ ಸಂತೋಷ, ಹೊಸ ಗುರಿಗಳು, ಹೊಸ ಸಾಧನೆಗಳು ಮತ್ತು ಅನೇಕ ಹೊಸ ಸ್ಫೂರ್ತಿಗಳನ್ನು ತರಲಿ. ಈ ವರ್ಷ ಸಂತೋಷದಿಂದ ಕೂಡಿರಲೆಂದು ಹಾರೈಸುತ್ತೇನೆ. ನನ್ನ ಆತ್ಮೀಯ ವ್ಯಕ್ತಿಗೆ ಹೊಸ ವರ್ಷದ ಶುಭಾಶಯಗಳು.
ಹಳೆಯ ವರ್ಷವನ್ನು ನೆನಪಿಸಿಕೊಳ್ಳುತ್ತಾ.. ಹೊಸ ವರ್ಷದಲ್ಲಿ ನೀವು ಅಂದುಕೊಂಡಿದ್ದನ್ನು ಸಾಧಿಸುವಂತಾಗಲಿ ಹೊಸ ವರ್ಷದ ಶುಭಾಶಯಗಳು.
ಈ ಹೊಸ ವರುಷ ನಿನಗೆ ನೀ ಕಂಡ ಕನಸುಗಳನ್ನೆಲ್ಲ ನನಸಾಗಿಸುವ ಶಕ್ತಿಯನ್ನು ನೀಡಲಿ. ನೀ ಬಯಸಿದ್ದೆಲ್ಲವು ನಿನಗೆ ಸಿಗಲಿ. ಹೊಸ ವರ್ಷದ ಶುಭಾಶಯಗಳು.
ಪ್ರತಿ ವರ್ಷ ಕ್ಯಾಲೆಂಡರ್ ಮಾತ್ರ ಬದಲಾಗುತ್ತದೆ. ಆದರೆ ನಮ್ಮ ಬದುಕು ಇದ್ದಲ್ಲೇ ಇರುತ್ತದೆ ಎಂಬ ಮಾತನ್ನು ಈ ವರ್ಷ ಸುಳ್ಳಾಗಿಸು. ನಿನ್ನ ಶಕ್ತಿ ಮೀರಿ ಕೆಲಸ ಮಾಡು. ಒಳ್ಳೆಯದಾಗಲಿ ಹೊಸ ವರ್ಷದ ಶುಭಾಶಯಗಳು.
ಈ ಹೊಸ ವರುಷ ನಿನ್ನ ಬಾಳಲ್ಲಿ ಹೊಸ ಹರುಷವನ್ನು ತುಂಬಲಿ, ನೋವೆಲ್ಲ ಮಾಯವಾಗಿ ನಗುವಿನ ಖಜಾನೆ ನಿನಗೆ ಸಿಗಲಿ, ಹೊಸ ವರ್ಷದ ಹಾರ್ಥಿಕ ಶುಭಾಶಯಗಳು.
ಹಳೆಯ ಕಹಿಯನ್ನು ಮರೆಯೋಣ, ಹೊಸತನ್ನು ಸ್ವಾಗತಿಸೋಣ, ಹೊಸ ವರ್ಷದ ಹಾರ್ಥಿಕ ಶುಭಾಶಯಗಳು.
Average Rating